О компании

Мамандандырылған туберкулезге қарсы «Балықшы» шипажайы.

   Оңтүстік  Қазақстан облысы денсаулық сақтау басқармасы Мамандандырылған  туберкулезге қарсы «Балықшы»  санаторийі мемлекеттік коммуналдық қазыналық  кәсіпорыны.



«Балықшы» санаторийі Оңтүстік Қазақстан облысы атқару комитетінің 1937 жылы 3 сәуірдегі №89 Қаулысы бойынша туберкулез дертіне шалдыққан  балаларды емдеп, сауықтыру мекемесі болып  ашылды. Көптеген жылдар бойы қазіргі Түркістан облысы аймағының халқына адал және сапалы  қызметін көрсетіп келеді. 27.03.2015 жылғы  №198-Ө  «Оңалу бөлімшесі ашылуы туралы» бұйрығына сәйкес 30 төсек-орынға арналған оңалту бөлімі ашылды. Бұл бөлімде диспансерлік есептен шығарылған  науқастар,  бастапқы медициналық санитарлық көмек ұйымдарында бронхо-пульмонологиялық  бейіндегі қауіп-қатер тобында тіркелген науқастар ем қабылдайды. Санаторийде науқастарға  көрсетіліміне сәйкес патогенетикалық, симптоматикалық, физио ем, парафинотерапия, массаж, фитотерапия,  емдік жаттығулар жиынтығы тағайындалады. Сонымен қатар саумалмен емдеу 2012 жылдың қаңтар айынан «Саумал- денсаулық нәрі » бағдарламасының  аясында  енгізілді. Күнделікті 250-400 мл жаңа сауылған саумал беріледі. Саумалды жүйелі түрде қабылдау, иммунитеттің жоғарылауына, өкпе-тыныс жолдары ауруларының алдын алуға, туберкулез дертінен тезірек айығуға, қан қысымының төмендеуіне, ас қорыту жүйесінің  ауруларына, іштің қатуының болмауына оң әсерін тигізеді. 2015 жылдың  мамыр  айынан бастап фитотерапия енгізілді: мия , шатырлақ, исланд мүгі,  мыңжапырақ.  Заман талаптарына сай және емделушілердің сұраныстарына сәйкес қазіргі таңда  емдік сауықтыру және жоғарыдағы емдік іс шараларды қабылдауға арналған қолжетімді бағада ақылы 10 төсек орын ашылды.